Gumshem Myen Hpyen Asuya gaw, ndai laman masu hkalem ai Ralata poi galaw masu dan nna, Hpyen ningbaw ni woi awn ai asuya langai hpe hpaw shabawn sa wa na matu hkyen shajin taw nga sai re.
Dai hta Daru magam zing ai Min Aung Hlaing wa gumsan magam galaw na kun? Ngu ai gaw ga san kaba langai rai nga ai.
Myen Hpyen dap tsun shaga ahkang lit nga, Bo Chuk Zaw Min Htun gaw, Myen Hpyen dap daru magam rai n zing shi ai ten, Hpyen dap kaw na gaw, daru magam ahkang aya zing n zing hpe a tsawm tup hkrak n tsun lu ai lam, Shi Salang hpawng hta tsun mat ai re.
Ndai kalang na Shi Salang hpawng hta mung, Hpyen Dap tsun shaga ahkang lit nga, Bo Chuk Zaw Min Htun kaw na Shi Salang hpawng hta Min Aung Hlaing Gumsan magam galaw na n galaw na ngu gaw a tsawm tup hkrak n chye shi ai, nga bai tsun lai wa ai re.
Bo Chuk Zaw Min Htun tsun mat wa ai masa hpe maram yu yang, Min Aung Hlaing wa gaw, Gumsan magam lit la mat na masa nga ai lam, Mung masa yu maram ai ni tsun tawn ai re.
Min Aung Hlaing wa gumsan magam galaw mat ai hpang gaw, shi a dap awn daju shara hpe shi n pu na, ကြည်း၊ရေ၊လေ၊ကွပ်ကဲရေးမှူး ဗိုလ်ချူပ်ကြီးကျော်စွာလင်း (sh) ရဲဝင်းဦး hpe ap ya mat wa na masa nga ai lam mung masa yu maram ai ni tsun da ai re.
Ra lata poi galaw ngut mat ai hpang Myen Hpyen Asuya nnan langai hpaw shabawn ai hta, Gumsan magam lit hpe Min Aung Hlaing lit la nna, Ningtau gumsan magam (1) lit hpe Nyo Saw Ningtau Gumsan magam (2) lit hpe gaw, Hpyen dap the ni nawn ai amyu bawsang maga na marai langai ngai byin wa na re lam tsun maram da ai re.
Matut nna, mung ahkyak ai Amyusha rap daw Ningbaw magam lit hpe Ya na Hpyen Dap Amu Madu rai nga ai Aung Lin Dwi, Mung Shawa Rapdaw Ningbaw lit hta HPyen Du Usa Salang Mya Htun Oo ni byin wa na masa nga ai lam tsun da ai re.
အမျိုးသားကွာကွယ်ရေးနှင့် လုံခြုံရေးကောင်စီ ကာလုံ hta lawm ai ahkyak ai hkringmang daju shara ni rai nga ai, ပြည်ထဲရေး၊ နယ်စပ်ရေးရား၊ကာကွယ်ရေး ဝန်ကြီး shara hkan gaw, ya lit la nga ai Dukaba ni hkrai mi na raw byin na re lam matut tsun da ai.
2026 Ning Myen Hpyen dap woi galaw ai Ra lata poi gaw, majoi masu hkalem ai Ra lata poi sha rai nna, Daru magam zing ai lam hpe makoi magap mayu ai majaw sha, mung shawa n lawm ai ra lata poi hpe galaw nna, 2008 gaw da ai tara hpe matut shangang shakang sa mat ai lam sha re nga KIA Ningbaw kaba Dukaba Nban La mung shaning ningbaw mungga hta tsun mat ai re.