Danai Lapu Hka Ja Maw kaw, Min Zay Thant woi awn ai Pyithutsit hpung ni mung shawa jak rung jak rai hte laga ngam ai rai ni yawng hpe Mawdaw the hkan htaw gahkyin la taw nga ai lam, ginra masha ni kaw na chye lu ai.
January 10 ya shani Lapu Hka Woi Law makau grup yin hta KIA hte Pyithutsit dap ni hkying hkum lahkawng ram gap gasat hkat wa ai hpang, dai kaw rai zing taw nga ai maw ginra masha ni yawng hpe gyit adup rim woi mat ai lam Maw Ginra na Salang langai KNG de n dai zawn tsun dan wa ai re.
“Anhte gaw rai zing taw nga ai rai nga ai, dai kaw Sam ga shaga ai Pyithutsit ni du wa na yawng hpe rim gyit adup zingri nna, mawdaw n tsa woi mat ai,”nga tsun dan ai re.
Min Zay Thant Woi awn nna, Zahkung Ting Ying Pyithutsit, Sam Hkyeng Pyithutsit ni yawng pawng nna, Danai Lapu Hka Ja Maw the Pat Maw ginra ni hpe htim gasat taw nga ai re.
Pyithutsit hpyen hpung ni gaw, lai wa sai December 13 ya shani kaw na Pat Bum, Hka lawng kawng hpe htim gasat zing madu kau nna, dai ginra na mung shawa ni a jak rung jak rai ni hpe mawdaw kaba ni the hkan htaw gahkyin la hkawm taw nga ai rai nga ai.
Dai zawn arung arai hkan htaw la hkawm taw ai hta, shawng kaw gaw laknak lang ai ni sin y anna, hpang kaw gaw kani ya, four ya ni hpe rai hpai lahka shangun ai lam ni galaw taw nga ai rai nga ai.
Min Zay Thant woi awn ai Sam Hkyeng Pyithutsit hpyen n gun 50 daram gaw, January 10 ya shani Woi Law Maw de shang wa nna, dai kaw rai zing taw nga ai hkawngma marai 8 hpe gyit adup zingri nna, arung arai yawng kashun mya la mat wa ai hte seng nna, ta tut hkrum sha wa ai Salang langai KNG shiga de n dai zawn tsun dan wa ai re.
“Hkying hkum lahkawng ram gap hkat ai hpang, Pyithutsit ni lung wa ai, dai kaw rai zing taw ai ni yawng hpe gum dagup da shangun na gyit adup ai majaw, n kau mawdaw n tsa she n lu lung mat hkra machyi hkrum mat ai,” nga tsun dan ai re.
Min Zay Thant Pyithutsit hpung ni gaw, Shi up nga ai Jahtu Zup ginra hta ja htu na lamu ga ma wa ai majaw, Ja hte Pat n hprang pru ai ginra hpe bai ka-up la mayu na, hpyen n gun kaba the htim gasat wa ai masa re lam ginra masha ni tsun maram da ai re.
Ya ten, Danai Lapu Hka Pat Maw ginra hta Hpyen masa shaja hkat taw nga nna, KIA maga Lapu hka na pru mat nna, Pyithutsit ni shara shang la taw sai lam matut chye lu ai re.
Lapu hka maw ginra na mung shawa ni arung arai hpa mung n lu shaw la ai majaw, ya ten, Danai kaw wa yak hkak hkrum taw nga ma ai re.
