Mai Ja Yang Laiza Concrete Mawdaw lam kaba nyep taw ai re majaw, n dai laman aten masat nna, sha hkrun lam hkawm mawdaw ni hpe lai na ahkang jaw na re lam, Sinpraw Ginwang Ginjaw kaw na n dau da ai re.
Wunpawng Mundan Shanglawt Asuya Mung Chying Uphkang Dap Ginjaw Rung kaw nna, Masat (3) Dapba lam she kawn Dum Bung Hka mahkrai du hkra Bilat (Concrete) nyep hpang sana re majaw, January praw 6 ya shani kaw na lam nyep ngut ai ten du hkra, masat da ai aten laman hta sha lai na matu, Sinpraw Ginwang Ginjaw rung na n dau da ai re.
Hkrun lam hkawm mawdaw ni yawng gaw jahpawt hkying 10 chyen kaw na hkying 11 chyen du hkra the shana maga hkying 4 chyen kaw na hkying 6 chyen du hkra sha lai na aten masat ya ai lam tsun tawn ai re.
Gunrai htaw mawdaw kaba lai na ahkang hpe gaw, ndai laika n dau dat ai shani kaw na tsep kawp hkum pat ai lam matut tsun da ai re.
Ga Sau Nam Hpun htaw mawdaw ni hpe gaw shana hkying 7 kaw na hkying 11 du hkra hte jahpawt maga hkying 1 kaw na hkying 5 du hkra shalai na re lam tsun n dau da ai hpe mu lu ai re.
Mai Ja Yang Laiza Concrete mawdaw lam kaba hpe Prat Ningnan Company ni kaw na lit la gaw gap sa mat na re chye lu ai.
