Pat Maw Lam Numshe kaw Drone bawm wa hkrat ai majaw, Mung Shawa ( 1 )Si na Langai Hkala hkrum
Myen Hpyen Dap pat Maw Hka Lawng Kawng de, Jet Nbungli bawm wa jahkrat bun ai majaw, Mung shawa langai hkala hkrum wa ai lam chye lu ai.
Pat Maw Lapu Hka Ja Maw mayan hta hpyen masa shaja hkat taw ai ya bat mi jan du wa nga sai rai nna, Myen Hpyen dap maga Nbungli Drone hpan hkum jai lang nna, shani shagu wa gasat taw nga ai re.
“Mana de gaw, Payin Maw lam numshe makau na Lisu Kawng kaw Drone bawm sa jahkrat bun ma ai, အင်စာဖျော် taw nga ai Hkawng ma langai si nna, langai hkala hkrum wa ai, gara maga na Drone re gaw n chye ai,” nga tsun dan ai re.
Myen Hpyen dap ni ya na zawn Maw ginra hpe shabya kau ai lam gaw, Ra lata poi ten sindan pa wa bang na matu shing n rai, Pat maw hpe bai lu zing la na matu shakut wa ai masa re lam ginra masha ni tsun maram da ai re.
Ndai laman Pat Maw Hka Lawng Kawng mayan Nbungli Drone bawm wa jahkrat bun ai majaw, Mung Shawa si hkala ai marai 10 ram nga sai lam, Maw ginra na Salang langai KNG shiga de tsun dan ai re.
Pat Maw the Lapu Hka Ja maw ginra de lai was ai 13 ya shani kaw na Myen Hpyen dap n bungli bawm wa jahkrat bun hpang wa ai kaw na dai ni ten du hkra hpyen masa shaja hkat taw nga ai lam mung rai nga ai.
