Seng Tawng Mare makau grup yin ni hta Myen Hpyen hpug ni shamu shamawt taw nga ai majaw, Majan bai byin wa na masa nga ai lam, ginra masha ni tsun maram da ai re.
“Ya hte Everwin Myaw Chan kaw rawng taw ai Myen ni Seng Tawng Mare de du hkra shang wa ma ai, grai wa gap hkat ai lam gaw n nga ai, shan the sa shala ai zawn rai na bai pru mat ma ai,” nga tsun ai re.
Myen HPyen hpung ni dai hpawt manap Seng Tawng mare kata shang sa hkawm dan nna, bai n htang mat ai lam ni galaw wa ai nga, dai ginra na gat dut num ni tsun ai re.
Ya hte masum ya ram gaw, Hpakant Mashi Kahtawng, မြဝတ်ရည် tsi rung makau na Hpun Pyen jak kaw masum ya ram put rawng nna, dai hpawt manap gaw, Seng Tawng mare de sa lai shang dan ai lam ni galaw wa ai nga, tsun dan wa ai re.
Myen Hpyen dap ni ya na zawn, KIA gasat zing da ai shara de shang bang dan ai lam gaw, Majan shabyin mayu ai kumla hku na galaw dan taw ai re lam, ginra masha ni tsun maram da ai re.
Dai zawn Shala ai zawn rai na Hpyen Shamu shamawt dan taw ai majaw, Hpakant de n dai laman hpyen masa bai shaja hkat wa na masa nga ai lam, ginra masha ni matut tsun da ai re.
Myen HPyen dap ra lata poi galaw na shara ni hta Hpakant Ginwang mung lawm ai re majaw, dai ginra hpe Ra lata poi lu galaw hkra hpyen masa hku na dip n gun jaw ai lam ni galaw taw ai masa re lam mung matut chye lu ai.
