Chihpwi Mare kaba makau Kanpaiyang lawk Chihpwi hka mazup kaw Jak kaba ni hte shani shana ja htu sha taw ai majaw, ginra masha ni yup n lu taw ai lam chye lu ai.
Chihpwi hka mazup kaw lai wa sai August Shata kaw na Backhole kaba ni the ja htu sha taw nga ai hpang, n dai laman kaw na gawng galang jak kaba langai shachyaw taw nga ai gaw, n dai laman ngut wa ni sai lam chye lu ai.
“Shawoi Backhold the sha htu tim pyi anhte mung shawa ni yup n mai grung grang ngoi taw ai wa, Ya Gawng Galang jak kaba the rai yang grau na maza sai. Na maza ai hta grau na gaw Shingra hten za ai rai nga ai. Anhte Chihpwi de Ja nau htu sha ai majaw, Lanam ta shaning shagu hka hpyen hkrum taw sai.” Nga tsun dan wa ai re.
Dai shara hta lai wa sai ten ni hta Backhold hte ja htu sha ai hpe ginra masha ni sa ninghkap yu ai rai tim, Ahkang Aya lu ai ni hte jawm galaw sha taw ai re majaw, hpa n mai sa tsun ai nga matut tsun dan ai re.
Chihpwi ginra hta Nhprang rai ladu lai htu shaw sha ai majaw, makau grup yin shingra ni lani hte lani hten za hkrum taw nga nna, lanam ta ten shaning shagu hka hpyen hkrum sha taw nga ai mung rai nga ai.
Chihpwi ginra gaw, Moi grai tsit lali tsawm htap ai ginra rai tim, ndai hpang daw Gasau, Ja ladu lai htu shaw sha ai majaw, lamu ga lani hte lani hten za ma wa nna, ginra madu ni hkai rem na lamu ga ni du hkra yak mat wa taw ai lam mu lu nga ai re.
