Myitkyina kaw na pyen rawt wa ai Y12 nbungli langai Lamyang mare the Lang Se ginra ni hta bawm bai sa jahkrat bun wa ai lam, ginra masha kaw na chye lu ai.
Dai hpawt manap hkying 7 Minute 45 aten Myitkyina na Pyen rawt wa ai Y12 nbungli gaw Lamyang mare kaw Hkying hkum chyen dang sa pyen gayin Bawm jahkrat bun kau da ai hpang, bai n htang wa mat na, dai ni shani ka-ang ten LangSe mare kaw bai sa jahkrat bun ai lam Ginra masha langai KNG de n dai zawn tsun dan wa ai re.
“Dai hpawt Hkying 7 chyen daram kaw Myitkyina hkran maga de na Pyen sa wa ai Y12 Nbungli langai Nayi chyen dang sa pyen gayin da na, Lamyang mare kaw bawm jahkrat mat wa ma ai, shani ka-ang gaw Lang Se de bai sa jahkrat ai da,” nga tsun dan wa ai re.
Ndai laman Myen hpyen dap ni Waimaw Lamyang hte Lang Se mare ni shani shagu ngu na bawm sa jahkrat bun taw ai mung rai nga ai.
Myen Hpyen dap gaw, lai was ai Shata hkan kaw na, Waimaw Lamyang Washawng mare ni hpe bai gasat zing la lu na matu, Pyithutsit hpyen n gun alaw alam jai lang nna gasat ai rai tim, masan sa awng dang ai lam n nga ai sha, dai ni du hkra majan byin taw nga ai lam mung rai nga ai.
Mani lani mi laman hta sha Myen Hpyen dap Y12 nbungli the Hpakant KIA Dung 6 ginra, Langse, Lamyang mare ni hta bawm sa jahkrat bun da ai hpang, dai hpawt manap jau mung Lamyang mare de bai sa jahkrat bun ai lam mung rai
