Mali Hka Wan Jak hte Pajau Hka Wan Jak na Wan Sumri n lu gram shi ai majaw, Myitkyina kaw Wan mayak byin nga

Myitkyina muklum kata mi hprap wan atsawm nlu jaw ai a majaw myihprap wan hpe madung jai lang taw nga ai mung shawa ni hta mayak manghkang amyu myu hkrum gadup nga ai re.

Madung grau nna, yak hkak ai lam gaw, Wan n gun n nga ai majaw, Hka Mawta a tsawm n mai lang ai lam hte Shat lusha shadu sha ai hta yak hkak ai re lam chye lu ai.

Buga mi hprap wan company ni hku nna, aten hte aten lawk hte lawk garan mna wan dat ya ai lam galaw ai raitim, nkau shara ni hta gaw lani mi hta hkying hkum mi sha sa ai sha n ga, sa ai aten ni hta mung wan ngun nlaw ai a majaw wan shatu ai hta lai nna hpa nmai galaw ai lam mung shawa ni tsun ai re.

Wan aten man man n sa nna wan n gun n nga ai lam the seng nna, Lekung Zilun lawk na amyu shayi langai KNG de n dai zawn tsun dan wa ai re.

“Wan gaw n man ai law, lani mi hta kalang sad at, shana sa yang shani n sa re, hkying hkum lahkawng ram sha bai sa ai mung Wan n gun n nga hpa bai n mai galaw, Ahkyak gaw dai hka chyup la na le i. dai lu yang pi grai ram sai law. Dai wa she dai hka chyup la na pi nlu wa ai gaw le taw,”

Bai ya na zawn yanam ta hta gaw lamu marang gaw nya, grai sa-up, grai kahtet la ai aten mung rai nga ai .

Dai zawn re aten hta, gahtet ai saup ai hpe ndang hkam ai ma kaji ni the dinggai dingla ni a matu Panka the aircon zawn re ni hpaw jaw ra ai raitim mi hprap wan atsawm nsa ai a majaw salat grai galwi nna, n-gun yawm ai zawn re ai lawng lam ni mung byin hkrum nga ai lam mung shawa ni tsun ai re.

“ ahkyak ai chyawm me gaw wan nsa ai majaw anhte kaw gaw asak kaba ai ni makaji ni nga ai majaw grai jam jau ai. Shadu ai hte hka ni yak ai. Bai nna ph n-gun nrawng ai majaw ahkyak ai aten ph shagana nga yang mung asin npye ai.grai gahtet ai majaw hkam ja lam nkaja ai aten makaji ni the asak kaba ai ni ndam hkam ai. Gara zawn hkra wa ai I nga yang grai gahtet ai aten Ba shalai  wa ai zawn re ni, ma ni nga yang grai gahtet ai majaw hpa nkam sha ai zawn re ni the hkam ja lam hkra wa ai zawn re ni nga ai. Wan sa ai ten panka the aircon ni hpaw yang gaw loi hkyem sa ai.nkau chye hkat ai nta ni hta aten galu machyi kaba byin ai ni nga yang Bang ga ni nlu hpaw ai majaw amaw hpawk na hkaja lam ni grai sawng ai lam ni na taw ga ai”

Lai wa sai 2021 hte 2022 ning aten ni hta gaw wan sa ai aten gaw wan si ai aten hta grau law ai raitim, ya ahking aten hta gaw wan si ai aten hta wan sa ai aten hta grau law taw ai mung rai nga ai.

Ya na zawn mi hprap wan atsawm nlu jaw mat ai gaw, 2023 August shata hta wan sumri ni nkaja mat ai raitim mung masa the hpyen masa lam amyu myu majaw bai nlu byeng ai a marang Buga mi hprap wan company a wan jak kaw na dai ni du hkra wan nlu jaw mat ai lam buga myi hprap wan company na lit nga salang langai KNG hpe tsun ai re.

Ya yang Myitkyina muk lum the Waimaw muklum hpe mi hprat wan jaw taw ai gaw Chyihpwi wan jak hte National Grid ( နိုင်ငံတော်ဓာတ်အားစနစ်) kaw na sha jaw taw ai lam chye lu ai re.

Raitim ndai laman hta gaw National Grid ( နိုင်ငံတော်ဓာတ်အားစနစ်) kaw nna wan nlu mat ai marang Chyihpwi wan jak hte sha wan lu jaw taw ai majaw , wan atsawm nsa ai lam ni the wan sa yang pi wan n-gun nnga ai zawn re ni byin nga ai re lam buga myi hprap wan company na lit nga salang wa matut tsun dan ai re.

“Mung shawa ni hpe gaw ya ten anhte buga myi hprap wan hku nna jaw shabra tawn ai gaw anhte gaw tuphkrak masat masa da ahking aten the tup hkrak mayu ai, raitim mung mayak manghkang lam tsawmra mi nga ai majaw yawng anhte madi shadaw di na wan hpe jawm jai lang taw ai aten hta wan hpaji zai ladat the jai lang di na hkawm sa ga ngu na tsun mayu ai. Rai di na she wan the seng di na nsa mat ai law hten mat ai law , hking kade sha sa ai law nga hpe gaw anhte rung de du du sa wa di na sanglang dan yang gaw ngai hpe ma ta tut mai hkrum ai .sanglang dan yang gaw anhte lawan ladan hku nna, wan hpa majaw nsa ai ngu hpe hparan ya na re ngu hpe tsun yar it”

2023 ning August praw 4 ya shani kaw nna, buga myi hprap wan company a wan jak the wan nlu jaw mat ai gaw du wa na August shata reyang 2 ning hpring wa sai re.

Dai majaw yayang Chyihpwi wan jak hpe sha madung jai lang ra taw ai majaw wan atsawm nsa wan n-gun nnga ai a marang myi hprap wan hpe madung jai lang ra taw ai mung shawa ni hta mayak mang hkang amyu myu byin pru wa ai mung re nga ai.