Jinghpaw Mung KSPP Party Ninghpum Hpaji jaw Salang Dr Manam Tu Ja nga ai, Myitkyina Yuzana dum n ta kaw mana de hkying 2 ram hta bawm kapaw ai lam bai byin wa ai nga ginra masha ni tsun ai re.
July 30 ya shana maga de hkying 2 aten daram hta kapaw wa ai rai tim, Nta shinggan nawng kaw sha kapaw ai majaw, grai wa hkra hten ai lam the masha hkala ai lam nig aw hpa n nga wa ai lam, Myitkyina ginra masha langai KNG shiga dap de tsun dan wa ai re.
“Dr Tu Ja N’ta hte shi n ta makau na Ma shalet Jawng laprarn hka nawng kaw kapaw wa ai. Masha gaw hpa n ra ai, hka nawng magap ai Concreat magap malawng mat nna, n ta shakum hkan loi li hkra ai sha re,” nga tsun dan wa ai re.
Ya na zawn Dr Tu Ja n ta hpe shingte nna bawm sa kapaw ai lam gaw, n galaw ging ai lam re nga, Jinghpaw mung shawa ni lapran tsun ding lun ai lam ni nga taw ai re.
Lai wa sai July praw 7 ya shani hta mung Dr Tu Ja n ta kata de bawm sa kabai bang ya ai lam byin lai wa sai re.
Ndai Shata mi laman hta sha Dr Tu Ja n ta bawm lahkawng lang kapaw hkrum wa ai mung rai nga ai.
Dr Manam Tu Ja gaw, lai wa sai Shata Naypyidaw kaw galaw ai, Peace Forum lamang hta sa du shang lawm wa ai mung rai nga ai.
Myitkyina Muklum kata la PDF ngu tsun jahkrit nna, Dinghkrai Jawng ni hkan gumhpraw masu hkalem hpyi ai lam ni mung byin taw nga ai lam chye lu ai.
