Wunpawng Mungdan Shanglawt Hpyendap KIA masat dap nawng 20 dap dung daju shara hpe Myen Hpyen dap hte Min Zay Thant woi awn ai Warazup Pyithutsit dap ni July 26 ya shani htim gasat zing madu kau ai lam Pyithutsit dap maga n dau da ai re.
Hugawng Lido lam hpe makawp na, nga ai Dumbang Mare a Sinpraw Dingdung maga Uloi Bai Bum hta dap jung tawn ai KIA masat 20 dap nawng dap dung shara hpe Min Zay Thant Pyithutsit ni woi awn ai the Myen Hpyen dap Lisu Pyithutsit ni pawng hpawm nna htim gasat wa ai re nga tsun da ai re.
KIA Dapdung 20 hpe htim gasat zing ai hta, KIA Du langai hpe lu rim la nna, marai 7 si taw ai moi mang mu nna, Laknak machyu Pala alaw alam hpe padang dip zing la lu ai nga, Sumla ni the hkrak Telegram hta n dau da ai re.
Pyithutsit ni htim gasat zing madu ai KIA Dung 20 shara gaw, Mare buga hte tsan ai shara re majaw, Hpyen la gadai hpe mung n tawn da ai sha, dap sin na masha ram hpe sha tawn da ai shara re lam chye lu ai.
Dai zawn hpyen n- gun hpa n nga ai shara hpe Myen hpyen dap the Pyithutsit dap ni hpyen n gun laknak kaba n gun hte htim gasat wa ai rai nga ai,
Ya ten Hpakant lam maga de Hpyen masa ding yang matut shaja hkat taw ai re majaw, dai de na Hpyen n- gun law malawng Hpakant Manmaw zawn re ai ahkyak ai shara ni de sa da ai majaw, ya na zawn tat sum ai masa re nga hpyen masa yu maram ai ni tsun tawn ai re.
