Myitkyina Shwezet lawk hta, October praw 4 ya shana amyushayi langai, du gadoi sat hkrum nna, shi a sengkye hpe gaw la mat wa ya ai lam chye lu ai.
“Shi gaw hkum nau n pyaw na tsi sa mari na nga pru mat ai, yu yang wa ai lam kaw hkap kashun sat hkrum ai ngu mu ai, du gadoi da ya, lata ni gadoi di na ja rai mung yawng la mat ya ai,” nga nna ginra masha langai tsun dan ai re.
Sat hkrum ai wa gaw Shwe Zet lawk (11) hta leng hpun dut sha ai Ah Ngai ngu ai wa rai nna, Manhkring Shwe Zet lam kaba, noi krat sun mayan hta sat hkrum ai re.
Tara tawt lai ai gaw kadai ni re hpe tup hkrak rai n chye lu shi ai re.
Myitkyina hta Myen hpyen dap daru magam zing kau ai hpang, kani lu sha ai masha grau grau law jat wa ai sha n ga, arai lagu kashun hkrum ai mabyin lam ni jahkring hkring byin nga ai re.
