Majan a majaw (9) ning jan tawn kau da ra sai Ga Ra Yang mare hta buga masha ni gaw nawku jawng wang jasan jaseng ai lam galaw sai re.
Shim lam nnga shi ai raitim, July 18 ya shani mare masha marai 70 jan nawku jawng wang hkyen jasan ai lam Ga Ra mare masha Slg. Brang Mai kaw nna chye lu ai.
Ga Ra mare gaw Myitkyina-Manmaw lam ntsa nga ai mare rai nna, 2011 Myen asuya dap hte Wunpawng Mungdan Shanglawt Hpyendap KIA lapran majan a majaw tawn kau da ra ai mare rai nga ai.
Jinghpaw Hpyen yen Lakawn Lanawn Hpung (KHCC) gaw dai ning laman hpyen yen gahtawng 17 hpe dum nta wa sa na matu hkyen nga ai re.
Raitim, dai ni du hkra mare hku nna nhten ai sha naw nga ai shara, uphkang ladat lahkawng n-gayau ai shara ni hpe sha lata da ai lam chye lu ai.
