Tag Archives: laknak

Tank gap laknak kahtap la na Pentagon contract n’nan galaw

Tank gap laknak kahtap mari na dollar wan 121 jan hkrat ang ai contract n’nan hpe Lockheed Martin hte Raytheon, Javelin Joint Venture hte galaw ai lam, May 12 hta Amerikan hpyen rung daju, Pentagon tsun ai.

Laknak htuk shapraw ai shara hpe Tucson, Arizona mungdaw e galaw na rai nna Aug. 31, 2023 hta ngut lu na maram tawn ai.

U.S. lagaw dap a matu, ndai Nri (Javeline) gaw shawng n’nan “fire-and-forget” ngu ai gap dat ai hpang matut n hkang ra ai, lahpa-hpai hpri-makawp mawdaw-gap laknak baw hpan re. Shi a dawn jan ai atsam gaw madu-hkang shingdu-hkan-shachyut ladat hte laklai ai pala baw gaw deng 1.6 (Meter 2,500) du hkra na mu mada ai tank ni yawng hpe gap manga kau lu ai lam rai nga ai.

Lockheed Martin hte Raytheon yan ginrun hpaw ai Javelin Joint Venture gaw F-Model tank-gap pala ni hpe lai wa sai kade n na ten gin shapraw lu da chyalu rai sai hte, dai hta grau madang tsaw ai amyu hpan ni hpe hpyendap a matu gin shapraw ya na re nga, lai wa sai bat tsun wa sai.

May 6 ndau hta, Javelin Joint Venture a ningtau ningbaw hte Lockheed Martin Javelin program a Matsun Du, Slg. David Pantano tsun ai hta, F-Model pala langai gaw kapaw n-gun laping kaba hte tank ni hpe kapaw ayai kau lu ai hkrang hku hpajang da ai lam tsun ai.

US Hpyendap gaw masha n shading gap ra ai AI myawk si gin shalat nga

Kadai si snr kadai hkrung na ngu ai hpe kade n na ten artificial intelligence (AI) kaw nna dawdan ya wa na re. Masha shading gap n ra ai sha, madu nan madu lata la nna shingte gap kau lu ai AI lawm ai tauhpau myawk pala ni hpe gin shalat na matu, US Hpyendap ra sharawng nga ai re.

Ndai laknak baw hpan, lethal autonomous weapon, gin shalat nga ai hpe myit tsang ai hte pat hkum kau lu na matu, masha law law tsun shadut nga ai mung re.

US Hpyendap gaw, Cannon-Delivered Area Effects Munition (C-DAEM) masing hte ndai AI lawm ai tauhpau pala snr myawk si ni galaw chyam nga ai re.