Mungmyit Sinli, Namhpakka lawk 6 kaw mana hkying 8:30 Pm ten, dum nta langai wan hkru ai majaw, n ta masha marai 2 asak si sum mat ai lam ginra masha ni kaw na chye lu ai.
March 9 ya shana Hkying 8 chyen ten hta nta kaw jak sau tawn ai makau kaw wan hkret hkret shachyi dat ai kaw na, wan hkru hpang wa Majaw, asak 56 ning re Kanu num langai hte Kashu ang ai asak 10 ning jan re num kasha ma langai wan hkru si lawm mat ai lam dai ginra na Mung Shawa langai KNG Shiga de n dai zawn tsun ai re.
“N-ta kaw Datsi Pung makau kaw Wan hkret hkret shachyi ai kaw hkru hpang wa ai nga tsun ma ai, Kawoi dwi the Kashu ngu na yan gaw Wan kaw lawm mat ai ga rai nga ai. Dai kaw Kaji Dwi the Kashu langai gaw lawt mat ai ga rai nga ai,” nga tsun dan ai re.
Ndai laman Iran Mungkan majan a majaw, Mungdan shagu jak sau dum hprut wa na hpe myit tsang ai mung shawa nkau gaw, tinang lang na matu Jak Sau hpe n ta kaw mari tawn ai lam ni galaw taw ai mung rai nga ai.
Ya Namhpakka kaw wan hkru ai mabyin lam mung, dai zawn tinang lang na matu mari tawn ai Dat Si makau kau wan hkret sa hkret dat ai kaw na hkru hpang wa ai re lam, Namhpakka mung shawa langai mung n dai zawn matut tsun dan da ai re.
“Wan hkru ai hpe yu maram yu yang n ta masha ni wan n sa di ai majaw hkru ai law ai, wan hkru sai da lo nga the kalang dat lu sat ai lam ma n nga ai, Madung ya anhte Namhpakka kaw wan hkru ai gaw, Wan sadi ai majaw rai nga ai, n dai kalang mung, Shawng na kalang hkru yang mung Wan Sumri Shock byin na hkru ai n inau n nga ai. Madung gaw Wan sadi na byin ai hkrai rai nga ai.”nga tsun ai.
Namhpakka mare hta maning hte dai Ning laman, nta wan hkru ai Mali lang byin sai rai nna, malawng gaw wan sadi sahka n nga ai kaw byin ai hpe mu lu ai lam mare masha ni tsun ai.