Dai ni Shani ka-ang hkying 12 chyen ten daram hta Myen Hpyen Jet Nbungli Langai hte Hpakant Tamahkan Mare na Kyaw Naing na Site shara kaw wa hkrat ai majaw, dai gaw ginsum sin na nga ai, Dainggai langai Asak si hkrum wa ai lam, ginra masha ni kaw na chye lu ai.
Dai ni March praw 7 2026 ya shani ka-ang hkying 12 aten, KIA Htim Gasat Zing tawn ai Tamahkan Mare hpe Myen Hpyen Jet Fighter Nbungli kaw na Pound 500 kaba ai Bawm mali wa jahkrat bun da ai majaw, ginsum sin ai dinggai langai si hkrum wa ai lam hte seng na ginra masha langai n dai zawn tsun dnan wa ai re.
“Tamahkan kaw n dai laman gaw Hpyen Shamu Shamawt ai lam Hpa n nga ai rai nga ai, kaning rai na wa jahkrat bun ai kun? Ya jahkrat ai shara mung lai sai ten mung shawa ni galaw sha wa ai Lungseng company Kyaw Naing ngu ai wa na shara rai nga ai, ginsum dap shara ni gaw yawng kamawng mat ai ga rai nga ai, Masha si ai chyawm dai kaw ginsum sin nan ga ai dinggai langai si ai ga rai nga ai, laga mung shawa gadai mung n nga ai,” nga tsun ai re.
Ya ten Myen Hpyen dap gaw, Seng Tawng, Gwi Hka mare ni hpe gasat zing madu la lu na matu Hpakant Mashi Kahtawng Kyuhpyi bum hpe laja lana htim gasat taw nga ai re.
Mashi Kahtawng Buga Hpung na Sengchyai Kyuhpyi bum hpe n dai laman kaw na bai htim gasat taw nga ai, dai ni the rai yang nhtoi bat mi du wa nga ai lam chye lu ai.
Hpakant ginra hta ya Tsang 12 san poi htai ngut ai hpang, Majan bai laja wa na masa nga ai lam ginra masha ni tsun maram da ai re.