Danai Lapu Hka Ja Maw de n dai laman Majan gap gasat ai lam ni bai zim mat ai majaw, mung shawa n kau ni bungli bai galaw taw sai lam chye lu ai.
Majan gap gasat ai lam n nga mat sai rai tim, Myen Hpyen Pyithutsit hte KIA dap ni ni ni htep htep naw nga taw ai majaw, Majan galoi gara hku bai byin wa na ngu ai hpe mung shawa ni hkrit tsang let nga taw ai masa hte seng na dai kaw na lauban langai n dai zawn tsun dan ai re.
“N galaw yang hpa n sha wa ai majaw, hkrit ra tim galaw hpang wa ai ga rai nga ai, Pyithutsit the Shanglawt ni ma htep htep she nga hkat taw ma ai, dai majaw galoi kaning rai bai gap hkat wa na kun? Myit tsang let galaw taw ai ga rai nga ai,” nga tsun ai re.
Lapu Hka Ja maw hpaw ai lam tara shang tsun n dau ai lam n nga ai zawn, galoi mung lai taw nga ai Mai Hkun lam hpe mung rai n hpaw ya shi ai lam chye lu ai.
Ndai laman Maw de shang ai mung shawa ni gaw, ရွာသစ်ကုန်း nam lam hku, lam baw nna, lai shang taw ai rai tim, dai lam gaw ya marang hkrat ai hte lai n mai sai nga, maw ginra masha langai tsun ai re.
Ya ten Danai Lapu Hka, Pat Maw grup yin hta, Pyithutsit dap ni Oi Law မောင်းသံဂိတ်၊ ရေကြည်ချောင်း၊ ရေကန်တောင်၊ မိုင်းခွန်း shara ni hta nga taw nna, KIA maga na gaw, Pat Bum the Kyuhpyi bum mayan ni hta kring mading dap jung shara jahkrat nna, matut yu sin hkat taw nga ai masa re lam chye lu ai.
Lapu Hka, Pat Maw de sa ai madung mawdaw lam kaba, Mai Hkun Lam hpe Pyithutsit dap ni matut naw pat da ai majaw, Mung shawa ni gadai n lai shi ai re hpe chye lu ai.
Danai Lapu Hka Payin Maw de lai wa sai December 13 ya shani kaw na, Myen Hpyen dap Pyithutsit ni Hpyen n gun hte htim gasat shang wa ai majaw, Maw kata nga ai mung shawa ni yawng dumbri dumbra hprawng ayai mat ai rai nga ai.