Nawng Lut Ginra hta SNA Pyithutsit ni, gaw gap taw nga ai mung shawa dum n ta kaw na Hpun Pyen ni lagu la taw ai lam ginra masha kaw na chye lu ai.
Nawnglut Ginwang, Na Mawn, Mai Nawng, Ma Mung Kai Mare ni hta Lai wa sai shaning kaw na Sam Hkyeng hpyen hpung ni hte KIA lapran gap gasat hkat wa ai majaw, Mung Shawa yawng hprawng shakram kau da ai ginra rai nga ai.
Ya ten dai ginra hta Sam amyu baw sang ni wa nga mai ai rai tim, Jinghpaw re ai ni kaw tsep kawp n mai kanyip ai lam chye lu ai.
Sam Hkyeng Hpyen hpung ni gaw, Jinghpaw n ta ni hpe da sang shading nna, gap da ai n ta ni du hkra hkan run la taw ai lam ginra masha Langai KNG de n dai zawn tsun dan wa ai re.
“Shanhte gaw madung Jinghpaw nta ni hpe lata nna nan, n ta gap taw ai zawn re, gap na matu hpun Pyen mari da ai hkan na, htaw la taw nga ai,” nga tsun ai re.
Dai ginra hta July 14 ya jahpawt Sam Hkyeng SNA hte Myen Hpyen dap ni hpyen n-gun kaba the ma-ja shang wa na shang htim gasat wa ai rai nga ai.
Dai ginra na hpyen yen mung shawa n kau gaw, ya ten Nam maling kata hprawng koi yen ai ni nga ai zawn, Tamahkan, Mogaung, Monyin, Chaung Wa mare ni de hprawng yen taw nga ai re.