Myen Hpyen dap hte ကြံ့ခိုင်ရေးပါတီ ni gaw, 2008 Mungdan Gawda ai Tara hpe shangang la lu na matu, Ralata poi hpe n byin n mai hku galaw shakut nga ai lam KIC Ningbaw Kaba Dukaba Nban La Shaning Ninghpaw Mungga hta tsun mat ai re.
“စစ်ကော်မရှင် hte ပြည်ခိုင်ဖြိုး Party gaw 2008 Mungdan gaw da ai tara hpe shangang lu na matu ra lata poi n galaw n mai shakut taw sai” nga tsun mat ai re.
Wunpawng mungdan Shanglawt Hpyendap gaw Gumshem Myen Hpyen dap hkrat sum mat hkra, Pangdung rum ai jinghku rawt malan hpung ni hpe gahkyin zinlum nna, jawm gasat taw ai lam mung n dai zawn matut tsun mat ai re.
“Hpyen Gumshem Lailen, Amyu kaba lai len sum agrawp mat wa ai shani du hkra, rawt malan wuhpung wuhpawng yawng hte lata gindun, n-gun ginlung nna, jawm gasat shamyit sa mat wa ga,” nga tsun mat ai re.
KIA KIO lit nga ai Salang ni hku na mung tinang hpe shatsam da ai, ahkang aya hpe tinggyeng akyu ara lam kaw jai lang ai lam n galaw na matu mung, tsun sadi jaw mat ai re.
“Mung Shawa the ni kahtep nna magam gun nga ai ni yawng gaw, tinang hpe jaw da ai ahkang aya hpe tinggyeng akyu ara kaw jai lang ai lam n byin hkra tengman dinghpring ai akyang lailen kaja myit masa dam lada ai the woi awn kanawn mazum sa wa ai rai yang, Mung Shawa makam hpe grau lu mat na re lam,” magam gun ni hpe tsun sadi jaw mat ai hpe mu lu ai re.
2026 ning gaw Awng Padang dip lu ai shaning rai na matu mung tsun mat ai rai nga ai.