Mali Nmai Zup Myihprap Wan Jak Madim masing hpe jahkring kau ya na matu, Hpakant မှော်လှည့်သပိတ် hpung ni kaw na, shani shagu n-gun madun hpyi shawn nga ai re.
“Anhte gaw ninghkap na sha re, lu ai ladat ma hkra the ninghkap sa wa na, n dai n tara ai gumshem Myen hpyen dap hpe mung ninghkap shamyit na re,” lam tsun mat ai re.
Gumshem Myen Hpyen dap Min Aung Hlaing wa gaw, Miwa hpe hpa nna dingdung daw rawt malan hpung ni hte gap hkat jahkring ta masat htu ngut ai hpang, Miwa Asuya the pawng nna, Mali Hka madim masing hpe bai galaw na matu hkrang shapraw woi wa ai rai nga ai.
Miwa hte pawng galaw na Mali Nmai Zup myithprap wan madim masing galaw sa wa na the seng nna, ndai Shata 16 ya shani Myen Hpyen ningtau ningbaw Soe Win, Jinghpaw Mung myitsu kanu kawa ni the hkrum jahta ai ten, Mali Nmai Zup Madim galaw na lam tsun wa ai mung rai nga ai.
Soe Win wa Myitkyina de du ai hpang, Madim galaw na masing hpe ninghkap ai gadai wuhpung, dinghkrai mi rai tim, Ja Ja ahkyak la mat na lam, Myen Hpyen Commision rung na n dau laika shapraw da ai re.
Mali Nmai Zup Madim masing galaw na lam the seng nna Wunpawng Mungdan Shanglawt Asuya KIO gaw, Mung Shawa ni Myit ai lam hku sha rai na re nga, Dukaba Naw Bu KNG Shiga dap de tsun da ai re.
Myen Hpyen dap gaw, dai mali Nmai Madim masing hpe 2026 ning kaw na galaw hpang na matu hkyen shajin taw nga ai mung rai nga ai.
Myen hpyen dap hkyen shajin taw nga ai Mali Nmai Zup Madim masing hpe mung Shawa yawng kaw na jawm ninghkap na matu mung n gun madun hpung ni maga shadut da ai re.