Hkyen Hpan hkum ginsup ninghkring Nsang Awng La hpe MMA One Champion madu Chatri gaw, Nsang Awng La hpe Hall Of Fame ngu ai laksan kumhpa jaw shagrau wa ai lam chye lu ai re.
Ndai lamang hpe November 16 ya shani Japan Mungdan kaw galaw ai One 173 htwi shing jawng hkat lamang hta jaw shagrau mat wa ai re lam chye lu ai.
Nsang Awng La hpe One Championship madu Chatri gaw, Hall Of Fame kumhpa jaw shagrau ai ten, Nsang Awng La gaw, Magrau grang Myit atsam marai hpring ai ginsup ninghkring kaba langai re majaw, n dai kumhpa gaw, shi the gingdan ai majaw, jaw shagrau ai re lam dai poi lamang hta tsun na jaw shagrau mat ai lam chye lu ai.
Hall of Fame shagrau kumhpa gaw, lam langai ngai hta ningtawn magrau grang ai ni hpe jaw shagrau ai kumhpa kaba langai rai nga ai.
14 ning na hkra galaw wa sai One Championship lamang hta n dai Hall Of Fame shagrau kumhpa hpe jaw ya ai marai 3 hta Nsang Awng La mung shang lawm ai lam sagawn chye lu ai.
Nsang Awng La gaw, MMA Hkyen Hpan hkum htwi shingjawng hkat ai lam kaw na hkring sa sai rai tim, hpang na kanau kasha ni hpe hpe sharin shapan ya ai lam ni galaw taw nga ai hpe chye lu ai re.
Nsang Awng La hpe One Of Fame kumhpa jaw shagrau ai lamang hpe Mani laban ya shani Japan mungdan kaw galaw wa ai rai nga ai.