Sagaing hte Jinghpaw Mung jarit na Bamauk muklum hpe KIA woi awn ai PDF pawng hpawm dap ni htim shagrawt majan hpaw taw nga ai, dai ni hte rai yang, n htoi 3 ya du sai rai tim, Majan laja lana naw matut htim gasat hkat taw nga ai lam chye lu ai.
KIA woi awn ai PDF pawng hpawm dap ni ya ten Ba Mauk မြို့သိမ်းစစ်ဆင်းရေး majan shang taw nga ai rai nna, Myen Hpyen dap hte SNA maga na dai ginra mung shawa ni hpe gara de mung n pru shangun, Myo kata Hpyen ninggang shatai rim woi da taw nga ai lam, rawt malan hpung ni maga tsun ai re.
“SNA maga na Mung Shawa ni hpe shinggan n pru shangun ai, mare pru shang lam hkan SNA ni yawng hkap da ai, madung gaw မြို့သိမ်းတိုက်ပွဲ kaw, Mung Shawa ni nga yang gaw, PDF ni n gap na re ngu hku na, Hpyen ning gang shatai na matu, npru shangun ai ga rai nga ai, Majan gaw dai ni mung grai naw laja nga ai, PDF mag ana dap shara nkau gaw lu zing ai lam ni nga ai, rai tim Myen Hpyen dap maga na Nbungli the grai naw laja lana wa gap taw nga ai,” nga shawng lam PDF ni tsun ai re.
Sam Hkyeng SNA hte Myen Hpyen dap ni dap jung shara jahkrat na nga taw ai Bamauk muklum hpe KIA PDF pawng hpawm dap ni September 15 ya shani kaw na htim gasat hpang wa ai gaw, dai ni du hkra majan laja lana naw matut byin nga ai re.
Ndai n htoi masum ya laman hta SNA dap shara 6 hpe mung gasat zing da lu ai lam ni nga sai hpe chye lu ai re.
Ba Mauk မြို့သိမ်းစစ်ဆင်းရေး hpe PDF အမှတ်(၁) စစ်ဒေသ kaw na woi awn htim gasat taw nga ai rai nna, ginra shagu na PDF ni shang lawm na jawm gasat nga ai hpe chye lu ai.
Myen Hpyen dap maga na mung, Nbungli the shani shana wa gap bun nga nna, Nbungli n pyen ai ten gaw, Drone the ding yang bawm ni hkan jahkrat bun taw ai sha n ga na, laknak kaba ni majoi hkrup mara gap shapyen bun ai majaw, Mung Shawa si hkala ai lam ni byin taw nga ai re.
Hkala hkrum ai mung shawa ni gaw, gara de mung pru lam n mu rai, tsi tsi na matu yak hkak hkrum sha taw nga ai lam ginra masha ni tsun dan ai kaw na chye lu ai.
Bamauk မြို့သိမ်းစစ်ဆင်းရေး rai n hpang shi yang, Indaw PDF dap maga na Indaw Bamauk Mawdaw lam kaba hpe aten n masat ai pat kau sai lam n dau da ai re.
Bamauk muklum kata Myen Hpyen dap dapnu 77 the SNA dap ni shara la da ai rai nna, Bamauk a Sinpraw hte Sinna lahkawng maga de gaw, PDF dap ni lu up madu da ai lam nga ai chye lu ai.