Manmaw ginra na KIA PDF pawng hpawm dap ni htim gasat zing da ai dap shara ni yawng hpe Myen ni bai gasat zing la kau sai nga, shan hte madu ai TV, Shi Laika ni hkan n dau da ai hpe mu lu ai re.
Dai ning Shaning n-nan daw hta KIA hte pawng hpawm ni htim gasat zing madu da ai Myen Hpyen dap dap dung daju ni rai nga ai, Hk.L.Y 236, အမတ ၃၆၆၊ တကရ ၅၀၁၄၊ သံချက်ကာတပ် ၇၀၀၆ dap shara ni hpe bai gasat zing madu la lu sai lam tsun da ai rai nga ai.
Myen Hpyen dap maga na August praw 4 ya shani kaw na စစ်ကြောင်း 7 hte htim gasat wa ai hta, n htoi 10 ya jan laman dai dap shara yawng hpe bai gasat zing la lu wa ai lam re nga, Myen Hpyen Shiga dap ni hta tsun da ai.
Myen Hpyen dap ni htu shadut htim gasat wa ai majaw, Majan kaba 16 lang, ang katut gap gasat ai lam 490 lang, byin wa nna, KIA hte pawng hpawm dap maga na marai 163 na si mang mu ai zawn, laknak hpan hkum 178 hpe zing la lu ai lam tsun tawn ai re.
Matut nna mung, KIA maga na Si sum ai masha marai 4600 jan nga wa nna, Hkala hkrum ai masha marai 5000 hkawt nga ai lam, matut tsun da ai hpe mu lu ai re.
Myen Hpyen dap maga na n dau zawn n dau wa ai lam gaw, စိတ်ဓာတ်စစ်ဆင်ရေး galaw ai lam sha rai nna, KIA the pawng hpawm dap maga, Manmaw ginra law malawng hpe matut shara la da ai nga, shawng lam hpyen magam gun ni tsun ai re.
Manmaw hpe KIA hte pawng hpawm dap ni lai wa sai 2024 ning December praw 4 ya jahpawt kaw na htim gasat hpang wa ai rai nna, ya bai tat sum kau ai dap shara ni hpe gaw, lai wa sai February Shata hta gasat zing madu da lu ai shara ni rai nga ai.
Manmaw Myen Hpyen dap daju Ts.k.Hk 21 dap shara makau na dap kaji ni yawng hpe gasat zing kau ngut ai hpang, Ts.K.Hk 21 dap daju hpe 3 lang htim gasat ai lam galaw wa sai re.
Ts.K.Hk 21 dap daju hpe KIA pawng hpawm dap ni Numdaw-1 ngu na hpe March praw 8 ya shani, htim gasat shakut wa yu sai zawn, Numdaw-2 ngu na April 25 ya shani, htim gasat shakut wa nna, Numdaw-3 ngu na May 27 ya shani, htim gasat shakut wa sai rai nga ai.
Dai zawn numdaw masum lang tup shakut wa ai rai tim, Awng dang ai lam hpe n hkam la lu wa ai mung rai nga ai.
Manmaw hpe KIA the pawng hpawm dap ni laja lana htim gasat nna, makau grup yin yawng hpe wang da ai ten, Mandalay de na Myen Hpyen HKa Sanghpawli 23 Manmaw de du lu mat ai majaw, ya na zawn, ginra n kau bai tat kau ya ra mat ai lam mung rai nga ai.
Rai ti mung, KIA the pawng hpawm dap maga na gaw, asum n jaw ai sha, Manmaw hpe n lu yang lu hkra htim gasat mat wa na re nga na, Ginjaw salang hte ni nawn ai ni tsun dan da ai re.