Jinghpaw Mung kata, KIA htim gasat zing da ai Ginwang 4 hta Ralata poi n lu galaw ai lam, Myen Hpyen dap Ralata poi Commision n dau wa ai re.
Myen Hpyen dap Ra lata poi n lu galaw ai lam n dau da ai shara ni gaw, KIA gasat zing madu da ai ginra ni rai nga ai.Sumprabum, Njang Yang, Chihpwi, Saw Law Ginwang shara ni hpe tsun da ai re.
Dai n dau ai hta, Ya ten majan lana byin nga ai, Hpakant, Waimaw, Manmaw ginra ni n lawm ai hpe mu lu ai re.
Ra Lata poi n galaw na lam n dau ai ginwang hta KIA gasat zing madu da ai, Nmawk, Manje, Ginwang lahkawng n lawm ai hpe matut mu lu ai re.
Myen Hpyen dap maga, Myen mung ting madang majan byin nga ai ginra hpe Hpyen uphkang masa n dau da ai Ginwang 63 lawm ai rai nga ai re.
Myen mung ting madang hta, Ginwang 330 nga ai hta na , Ra Lata poi galaw na ginra 833 masat da ai nga, Ralata poi Commisision n dau da ai re.
Ra lata poi shang shingjawng na Party ni hpe Myen Hpyen dap maga, Rit Kawp tara ni nau shaja da ai majaw, Ra lata poi shang shing jawng na hkyen taw nga ai Party ni mayak hkrum taw nga ai re.
Wunpawng mungdan Shanglawt Asuya maga na gaw, ndai kalang na r alata poi hpe KIO uphkang ginra ni hta galaw na ahkang tsep kawp n jaw ai lam n dau da ai re.
KIO Asuya gaw, 2008 ning gaw da ai tara hpe n hkap la ai majaw, lai wa sai ten hkan galaw wa ai ra lata poi ni hpe mung n madi shadaw ai zawn, jahten sharun ai lam ni mung n galaw wa ai re.