Manmaw muklum kata majan laja lana matut byin nga nna, mani na Hk.L.Y 236 wang makau grup yin kaw byin ai hta, Myen hpyen dap maga Hpyenla nnan ni si hkala law ai nga, shawng lam hpyen magam gun ni tsun ai re.
Mani gaw, KIA the pawng hpawm dap ni gasat zing da sai, Hk.L.Y (236) makau grup yin kaw laja lana gap gasat wa ai lam hte seng na Shawng lam hpyen magam gun langai KNG de n dai zawn tsun dan wa ai re.
“ Hpyen masa mahkrum madup mung hpa n nga, majoi joi hkan htim sha ngun, mani gaw Hpyenla nnan ngu maram lu ai Myen Hpyen la ni tsawm ra si ai,” nga na tsun dan wa ai re.
Mani dai ni gaw, Myen hpyen dap maga na Manmaw Han Te mahkrai hte Kuk Ko Taw lawk maga ni de htim gasat taw nga ai majaw, majan matut laja taw nga ai re.
Lai wa sai September praw 9 ya shani na majan hta mung Myen hpyen dap maga na Point 5 jak sinat hte laknak