Manmaw kaw na yu wa ai Hka Sanghpawli 15 gaw, dai hpawt manap Hti Chyaik kaw na lai yu mat sai lam chye lu ai.
Dai hka sanghpawli ni, Hti Chyaik du ai ten, PDF dap ni hkap shingla gasat ai hpang, Myen Hpyen dap Y12 nbungli, laknak kaba ni hte hkrup mara laja lana gap gasat wa ai majaw, mung shawa marai 11 si hkrum ai lam Hti Chyaik PDF dap maga tsun n dau da ai re.
“Mani Myen hpyen dap ni Y12 nbungli, Laknak kaba ni hkrup mara gap shadam bun ai majaw, mung shawa marai 11 si ai, dai ni gaw, မောင်းကုန်း mare na marai 5၊ ကျောက်မှော် mare na 1၊ ဘိုကုန်းmare na marai 3၊ ဝဲကြီး (ချွန်း) na marai 2 yawng marai 11 re,” nga tsun tawn ai.
Manmaw kaw na yu wa ai hka sanghpawli ni Hti Chyaik de bat kru ya shana du yu mat wa ai rai nga ai.
Myen Hpyen Hka Sanghpawli du ai hpang, Myen hpyen dap laknak kaba majoi hkrup mara gap shadam bun ai majaw, မောင်းကုန်း mare na marai 5၊ ကျောက်မှော် mare na 1၊ ဘိုကုန်းmare na marai 3၊ ဝဲကြီး (ချွန်း) na marai 2 yawng marai 11 si hkrum wa ai rai nga ai.
Myen Hpyen Hka Sanghpawli yu wa ai hka lam mayan Y12 nbungli hte shim lam la ya nna, shan hte n tsen n hten ai shara ni de majoi hkrup mara gap bun wa ai lam mung rai nga ai.
Dai Hka Sanghpawli hpung ni Katha du ai ten hta mung, Katha Ginwang kata na mare kahtawng ni de laknak kaba majoi hkrup mara gap shadam bun ai majaw, mung shawa dum n ta law law hten za hkrum wa ai lam ni nga ai hpe matut chye lu ai re.
Lai wa sai bat 5 ya shani Manmaw kaw na lai yu mat wa ai Hka Sanghpawli yawng 15 re ai hta, Hpyen Sanghpaw 2 hta lai nna, laga sanghpaw ni gaw, arung arai htaw ai သံခွန် sanghpaw hpan hkrai re lam sagawn chye lu ai.
Myen Hpyen Hka Sanghpawli Manmaw du ai hpang kaw na majan laja lana gap gasat hkat nga ai gaw, dai ni du hkra matut gap gasat taw nga ai re lam chye lu ai.