Waimaw ginwang kata, lani mi laman hta masha si taw ai moi mang lahkawng hpe sa mu hta ai lam, Mun Myat Tse Tana garum gahtau hpung ni kaw na chye lu ai.
Mani lani mi laman hta sha mu ai moi mang lahkawng kaw na langai gaw, Waimaw Hka Tan lawk hta mu ai rai nna, dai wa gaw, asak 25 ning re ai, Slg Lamyar Wu ngu ai wa rai nna, Langai hpe gaw, Nawng Ta Law, Nmyen Hka kau kaw sa mu hta ai re lam chye lu ai.
Ya na zawn masha si taw ailam the seng nna, mung shawa ni tsun shana wa ai majaw, sa hta la nna, Mung Shawa tsi rung de sa htaw sa ai nga, Garum Kahtau hpung na lit nga ai salang langai KNG de n dai zawn tsun dan wa ai re.
“Nmyen Hka kau kaw mu ai wa gaw yet taw sai majaw, lup kau sai, langai hpe gaw, tsi rung kaw htaw sa nna, a tsawm ga jep yu yang, ningma kap ai lam ni hpa mung n mu ai, galaw ging galaw ang ai lam ni galaw nna lup makoi kau sai nga,” Mun Myet Tse Tana na lit nga ai ni tsun ai.
Si taw ai lahkawng yan hta hpa ningma hkang ni mung n mu ai rai nna, shan lahkawng si taw ai masa hpe yu yang, Nang hpam malu masha a majaw si taw ai masa re lam tsun maram tawn ai re.
Waimaw Ginwang kata lai wa Shata hta, n htu kahtam hkrum na si ai the laga lam amyu myu hku na si ai marai 3 re lam matut chye lu ai.
Waimaw ginra kata hta mung, Kanbau magam bungli n nga, kani lusha ai masha lani the lani grau grau law jat wa nna, lagu lagut damya mya ai lam ni jahkring hkring byin taw nga ai re.