Mungmyit Sinli, Mungji Ginwang kata Online gumhpraw masu hkalem sha nga ai, Miwa mungdan masha ni hpe Wunpawng Mungdan Shanglawt Hpyendap KIA masat 2 dap dung kaw na Balik, Immigration Makan Dap ni woi awn rim ahkyak la nna, Miwa mung asuya lata de bai shalai ap ya wa ai lam chye lu ai.
Dai (Chyahpyan) Online Masu hkalem sha hpung ni hpe,Dingda Ginwang Ginjaw, KIA Masat (10) Dap Ba Hpyen hpung hte Uphkang Dap kata na Balik, Immigration Makan Dap ni kawn July (26) ya shani Mungji Ginwang Shau Haw makau mayan, Si Sa Pa, Hkadung Pa Baw, Hku Bung, Hkalum mare ni hta chyahpyan galaw ai ngu maram lu ai shara ni hpe shang jep ai ten, mu rim woi la ai nga, KIO Shiga lawk hta tsun tawn ai re.
Online (Chyahpyan) hkalem sha hpung ni hpe Rim la lu ai hta Miwa mungdan Masha marai (134) hpe miwa mung Asuya de ap kau sai hte Myen Mung kata na Miwa ni hpe gaw, Shanglawt Asuya a Tara the maren ahkyak la mat na lam tsun tawn ai re.
Ya lu rim woi da ai Miwa mung mash ani hpe August praw 1 ya shani Pang Sai Miwa Jarit chyinghka kaw na shalai ap ya ai lam galaw wa ai hpe chye lu ai re.
KIA maga Miwa Kya Hpyan ni hpe rim ahkyak la nna, Miwa asuya lata de shalai ap ya ai lam gaw, n dai shawng ningnan lang rai nna, Miwa asuya the lata gindun nna mung, ndai Kya Hpyen shamyit masing hpe jawm galaw sa mat na lam matut chye lu ai re.