Wunpawng Mungdan Shanglut Asuya Hkam Ja Dap lithkam galaw lai wa sai, Dukaba Lahpai Hing Wawm gaw, October 28 ya jahpawt hkying 10 Chyen daram ten hta Miwa mung na dum nta de bai n htang wa ai hkrun lam lapran hta n nga mat ai lam chye lu ai.
Dukaba Hing Wawm Asak (68) ning gaw, Yu hkraw mawng ana the miwa mung de tsi tsi hkam la taw nga ai ten, ana sawng wa nna, tsi rung kaw n hkap la mat ai majaw, dum nta de bai nhtang wa ai kaw, lam lapran hta n nga mat ai re lam chye lu ai.
Dukaba Hing Wawm gaw 1981 ning kaw nna, 83 ning du hkra Miwa gunsan mungdan Baoshan tsi jawng hta tsi sarawun hpaji hpe sharin hkam la nna, 2020 ning a shawng daw hta Ginjaw hkamja dap lithkam magam bungli gun hpai wa nna, 2020 ning hpang, Covid ninghkap komiti lam ni hta gun hpai lai wa ai re lam chye lu ai.
Makoi mayang lamang hpe hpawt ni October 30 ya shani Laiza dum nta hta galaw mat na re lam chye lu ai.