Mandalay na lung wa ai Myen hpyen Hkasanghpawli langai Manmaw mare kaba du ai hpang, Nmawk maga de hpyen n’gun kaba hte bai htu shdut taw nga ai majaw, Deng 7 makau grup yin ni hta dai ni September 24 ya shani hta majan laja matut gap gasat hkat taw nga ai re.
Dai ni September 24 ya jahpawt hta mung, nbungli the Bawm 7 sa jahkrat bun nna, Drone Tank mawdaw ni the gap gasat nna, lagaw lam hku na mung hpyen n gun kaba hte htu shadut taw nga ai majaw, majan laja lana gasat hkat taw nga ai re.
“Dai hpawt nbungli hte shawng sa gap bun ai hpang, Drone hte mung bai sa gap bun, dai hpang Tank mawdaw the rai lagaw lam hku na mung tsa lam hte htu shadut lung wa na, majan laja taw ai ga rai nga ai,” nga shawng lam hpyen shi sawk langai KNG shiga de tsun dan wa ai re.
Nmawk Myen hpyen dap hpe KIA htim gasat zing madu kau ai hpang, Myen hpyen dap maga hpyen n gun kaba the bai htu shadut htim gasat taw nga ai gaw shata 2 jan sai re.
Myen hpyen dap hkasanghpaw hte Manmaw de hpyen n gun laknak malu masha wa htaw sa da nna, ya ten Nmawk maga de kalang bai htu shadut taw nga ai masa re lam hpyen masa yu maram ai ni tsun ai re.