Hpankant Seng Tawng majan byin nga ai nhtoi 10 ya laman mung shawa dum nta wan nat jahtan ai kani ya hte mung masha 200 jan hpe lu rim da ai lam KIO maga tsun ai re.
“majan byin nga ai aten re majaw hpyen dap gaw mare kaw nga ai hkyi ya ni hpe mung sawa nta ni wan nat shangun ai kade ram re ai chyawm nchye shi airaitim ya rim da ai chyawm 200 ram gaw nga ai rim hkrum da ai ni chyawm shanhte ngalaw ai nga na tsun ai lam ni chyawm me nga ai” KIO shiga dap lit hkam du kaba nhpang Naw Bu gaw ya na zawn tsun ai.
Ya na zawn rim ai gaw Seng Tawng mare kaw mung sawa ni hpe jam jau n jaw na matu makawp maga ai hku nna rim ahkyak la ai rai nna, rim hkrum da ai ni hpe gaw Hpakan gira hpe up hkang taw ai ni lit la hparan taw ai lam Dukaba Naw Bu ai re.
Ya ten Myen hpyendap ni gaw majan byin nga ai Seng Tawng mare kata na Lucky Man Hotel kaw shara la da nna, hkyi ya ni hpe mung shawa nta wan nat shangun taw ai lam Hpakan ginra masha ni tsun ai re.
Seng Tawng mare na mung shawa nta ni hpe shani shagu Myen hpyen dap maga na wan nat jahten taw ai gaw Lucky Man Hotel kata kaw bat mi ram chyat rawng taw ai Myen hpyen dap hpe KIA maga na pat shingdang gasat taw ai majaw re lam chye lu ai re.
September 16 ya shani mung Lucky Man Hotel kaw rawng taw ai myen hpyen la nkau shinggan de pru wa ai ten KIA maga na hkan gap ai majaw myen hpyen la 10 jan asak si sum mat ai lam Hpakan ginra masha langai ya na zawn tsun ai.
“kata kaw rawng taw ai myen hpyen la nkau shinggan de pru wa na hkan gap ai kaw masha 10 jan si ai KIA maga hkan gap na nkau gaw kata bai shang mat ai”nga nna tsun ai.
Dai sha n-ga Seng Tawng mare kaw myen hpyen dap Jet nbungli lahkawng hte shani shagu bawm wa jahkrat ai majaw Seng Tawng mare kaw nta ni wan bai hkru taw ai nga shi matut tsun ai re.
Seng Tawng mare kaw bat mi laman hta sha myen hpyen dap a majaw wan hkru hten mat ai nta 400 jan sai lam Hpakan ginra masha ni tsun ai re.
Hpankant Seng Tawng majan gaw September 7 ya shani kaw dai ni du hkra majan matute byin taw dingyang rai nga ai.