Myitkyina Myen hpyen dap nbungli pa hpe NBPDF dap ni kaw na, 107 Short Taik Dung hte sa gap bun ai lam, NBPDF dap ni tsun da ai re.
Dai hpawt April 19 ya jahpawt hkying 10 daram hta 107 Short Taik Dung 10 hte sa gap bun wa nna, hkra hten ai lam nga n nga re hpe gaw a tsawm rai n chye lu shi ai nga tsun ai re.
“Dai hpawt 107 Short Taik Dung 10 hte sa gap bun ai, hkra hten ai lam nga n nga hpe chyawm rai n chye lu shi ai,” nga MBPDF na lit nga ai salang langai KNG de tsun ai re.
Rawt malan dap ni maga de na ya na zawn Myitkyina nbungli pa hpe sa gap ai lam hte seng nna, nbungli pa makau hta nga ai ni hpe san yu yang, dai hpawt maga laknak kaba nsen 3 lang ngoi ai gaw na ai rai tim, gara shara ni hta wa hkrat ai ngu hpe chyawm a tsawm tup hkrak n chye ai nga tsun ai re.
Nda laning mi laman Myitkyina Myen hpyen dap nbungli pa hpe laknak lang rawt malan hpung ni kaw na, 3 lang sa gap bun wa sai re.
Dai zawn sa gap bun ai hta, Myen hpyen nbungli pa hkra hten ai lam ni mung nga ai re hpe chye lu ai.