Sadung ginra Hkalup Sasana Jaw Masat Poi galaw

March 19, 2019 Sadung ginra Hkalup Sasana 100 ning hpring Jaw Masat Poi, manau nau nga yang

Waimaw Ginwang Jinghpaw Wunpawng Hkalup Hpung Ginjaw kata, Sadung ginra Karai Mungga Sasana 100 ning hpring Jaw Masat poi hpe Bum Wa mare hta March 18 kaw nna galaw hpang nga sai re.

Manau poi hte rau, masum ya Jaw Masat Poi akyu hpyi lamang hpe Sadung ginra Hkalup nawku hpung (12) pawng nna Chyinghtawng Pa, Bum Wa mare hta March 21 ya du hkra galaw na hkyen da ai re.

Sadung-Kachin-hill-poeples-celebrate-Baptist-mission-centennial-jubilee.jpg
Poi shabyin shatai komiti lithkam Slg. Labya La Wawm gaw, “Ndai poi gaw anhte a ginra kata sasana n’nan shang wa ai 100 ning hpring jaw poi re. Ndai zawn 100 ning hpring na n loi ai. Nawku hpung masha ni gaw Karai Kasang a hkye hkrang la ai chyeju hpe shakawn ai. Bai nna Sadung ginra e anhte amyusha ni myit hkrum mang rum gahkyin gumdin nga ai hpe mu shangun mayu ai. Dai re majaw ndai poi galaw ai re.”

Sadung girna Hkalup sasana a ningpawt gaw jawng sara Sumlut Nawng Lat kaw na hpang wa re. Sara kaba gaw, lai wa sai Ingalik uphkang ai ladaw, 1919 ning March 19 ya shani, shawng n’nan, nat hkyawt kau ya ai re. Dai nhtoi hpe Sadung ginra a Karai Mungga Sasana shang wa ai nhtoi ngu masat ai rai nga ai.

Sadung-ginra-Karai-Mungga-Sasana-100-ning-jaw-masat-poi.jpg
Ya ten Jinghpaw mungdaw, Lahta Sammung hte Myen mung ting hta Jinghpaw Wunpawng Hkalup Hpung Ginjaw KBC hpung masha sen 4 daram nga ai rai nna, dai gaw J.W Hkristan nawku hpung ni hta kaba dik re.

Ji jaw nat jaw htung lailen hpe gabai kau nhtawm Karai Mungga Nhtoi hta hkawm sa ai Sadung ginra 100 ning hpring Jaw Masat chyeju shakawn lamang de ni ai, tsan ai sa du kabu lawm ai manam yawng 2,000 jan ai lam chye lu ai.