Myen kaw Ukraine tank shachyaw na jakrung galaw nga

Ukraine BTR-4E Leng 8 Hpri Makawp mawdaw

Hpri makawp hpyen mawdaw shachyaw jakrung gaw gap na matu Ukraine hpyendap gunrai Jashawn-Shapraw Dap, Ukrspecexport gaw Myen hte galung bungli myit hkrum ga sadi (joint venture agreement) sen htu ai hpe Defence Blog a March 6 shiga hta mu lu ai.

Chye lu ai shiga hta, Ukraine maga na hkingrai hte jak gawng ni htaw sa nga sai hte, hpyen hpri makawp mawdaw (armoured vehicle) shapraw jakrung langai, gaw gap hpang nga sai lam tsun ai.

Ukraine kaw na Myen mung de shalai ra ai kaw, BTR-4U wheeled 8x8, deng-8 hpri makawp hpyenla htaw mawdaw, tank MT-LBu multi-purpose chassis kaw lang ai amyawk 2S1U (self-propelled howitzer) lawm ai, hpri makawp mawdaw ni matut shachyaw Gin Yan (production line) langai mi lawm ai hpe chye lu ai.

Ukraine-BTR-4-production-line.jpg
Production line, BTR-4 Deng-8 tank shachyaw gin yan 

Dai jakrung kaw na hpri makawp mawdaw galaw shapraw ai lamang hpe 2020, shaning kaang kaw na hpang wa na matu hkyen da ai re.

Ndai myit hkrum lam ntsa, Ukraine hte Myen lit nga salang ni kaw ningmu tsun shaga ai lam ni hpe ningdang tawn ai raitim, Dan manga na mungdan 50 a sawk tam la mai ai gunrai jashawn-shapraw database ka matsing mahkawng tawn ai, “Great Export Import” company hpe lakap ai hku rai yang, gunrai shachyaw jaksung (assembly plant) a shawng na daw chyen ni hpe shalai dat sai lam shiga shagrin ai re.

Ukraine Laknak Hpai Dap ni a matu BTR-4, leng-8 hpri makawp hpyenla htaw mawdaw (APC) hpe Ukraine mung kata Kharkiv Morozov Machine Building Design Bureau (SOE KMDB) kaw na shalat maka shapraw ya ai re.

Ukraine-hte-Myen-ga-sadi-laika.jpg
Sakse laika

BTR-4 gaw shawng na BTR-70/80s snr Miwa WZ-551 ni hta grau gayin gaye mai ai hte, alak mi re ai shingra ni hta mawdaw hpe grau jahtuk jai lang loi ai ladat hku madang sharawt galaw da ai re nga tsun ai. Jai lang ai wa hta hkan nna laknak hpan amyu myu ra ai hku mai shakap ai. APC hta grit dik, 30mm automatic cannon (amyawk) langai, 7.62mm jak sanat langai (coaxial machine gun), tank gap Baryer dawsa pala 4 (layin ku maga lahkawng kaw 2 hpra) hte 30mm automatic grenade launcher (layi ku a lapai maga automatic dawsa pala gap shara hte sup hkrak galaw da ai), ni lawm ai.

2S1 kaw nna, 122 mm prat dep amyawk (self-propelled howitzer) lawm wa ai re. 2S1 Gvosdika hta D-32 122 mm rifled howitzer shakap tawn ai. Ndai gaw D-30 dun hkawm ra ai amyawk (towed howitzer) hpan hpe bai garam jahtuk ai re. Dai kaw pala bang garum ai ladat lawm nna aten minit mi kaw pala 4-5 shadang law htum lu gap ai.