NASA New Horizons jak shagan Ultima Thula makau pyen lai sana

NASA New Horizons jak shagan hte KBO Ultima Thule

Shaning 13-ning hte deng wan 4,000 jan pyen ai hpang, ya NASA jak shagan New Horizons gaw daini January praw 1, Myen mung aten 11am jan ten, Kuiper Belt object (KBO) Ultima Thula makau hku pyen lai mat na jin jin rai nga sai re.

KBO-Ultima-Thule.jpg

KBO Ultima Thula makau hku pyen lai na hkying hkum 24 jan sha ra ai ten, New Horizons jak shagan gaw Ultima a hkrang No.1 sumla ni shagun jaw ai re. Dai sumla hpe New Horizons gaw Ultima hte deng wan 1.2 dang tsan ai kaw na Dec. 30, 2018 hta dem ai re.

2014 hta NASA a Hubble Space Telescope hte mu ai KBO 2014 MU69 hpe Ultima Thule ngu shamying nna de hkum gale de deng 20 rai na sawn ai re.

Madung Jan Dinghku (Solar System) a jahtum Pluto gintawng hpe hka ja na masing hte 2006 January 19 hta gap galun ai New Horizons jak shagan gaw 2015 July hta Pluto makau pyen lai mat wa sai re. Dai masing ngut ai hpang, KBO langai de pyen lai hka ja na jak shagan kaw sau (fuel) alaw ala naw nga ai majaw Ultima Thule hpe lata ai lam rai nga ai.

DtcacJ9WoAElZ3t.jpg

Kuiper belt (Kuiper shingkyit) gaw Jan Ding a shinggan tingwang pa (circumstellar disc) rai nna Neptune Gintawng a shinggrup lam (orbit) kaw na wun jat wa ai lam rai nga ai. Kuiper belt gaw gintawng kaji kajaw shingkyit (asteroid belt) hte bung nna, anhte a Jan Dinghku (Solar System) n’nan byin wa ten na angaw angam ni lawm ai rai nga ai re.