Rasha hpyen sanghpaw Crimea kaw na Azov Panglai de hkawm

Azov Panglai de shanang hkawm wa ai Rasha hpyen sanghpaw hpe Dec. 21, 2018 hta mu lu ai. Sumla: Reuters

Rasha dawsa laknak hte hpyen sanghpaw langai gaw Crimea kaw na Azov Panglai maga de shanang hkawm wa ai hpe bat Manga Ya shani mu ai lam Reuters shiga tsun ai.

Hka dap makawp hpyen sanghpaw hpe Feodosia (snr Feodosiya) mare, Crimea panglai kaw na hka deng 1.5 hta mu ai re. Helicopter langai hpe sanghpaw ntsa mu ai lam tsun ai.

Dai ginra kaw Rasha ni Ukraine hka dap sanghpaw ni hte magam gun masha ni hpe November 25 ya shani rim ai hpang, shada hpyen masa shaja hkat lam ni kaba wa nga ai re.

Rasha gaw Ukraine a Crimea zundawn hpe 2014 hta maden zing la ai rai nga ai.