Ninghkap nsen law wa ai majaw Shat N’nan Sha Manau Poi jahkring kau

Ninghkap nsen law wa ai majaw Shat N’nan Sha Manau Poi jahkring kau

Du na shata, November 14-15 hta Myitkyina e galaw na hkyen da ai, Nlung N’nan Chyeju Shakawn Manau Poi hpe September 3, bat Masum ya shani galaw ai Wunpawng Htunghking Hpung Ginjaw zuphpawng hta, tara shang jahkring kau sai re.

J.W mungshawa ni tsepkawp myit n hkrum ai poi re majaw jahkring kau ai re lam hpe dai zuphpawng sa lawm ai ramma dat kasa Shd. Awng Mai kawn chye lu ai.

Zuphpawng de htunghking komiti, buga kanu kawa ni hte ramma ni malawng shanglawm ai re.

Dai Wunpawng Htunghking Hpung Ginjaw a Shat N’nan Sha Manau Poi hpe ‘n galaw ging ai lam’ internet matut mahkai zinghkri (facebook) hta tsun garu nna, htunghking hpung ni mung ninghkap ndau shabra laika ni shapraw wa ai majaw, ya na zawn lamang jahkring kau wa ai rai nga ai.