Tatma 66 ni Lahta Sammung e lusha jarik mya sha nga

Tatma 66 ni Lahta Sammung e lusha jarik mya sha nga

Myen asuya hpyendap Dapnu (Tatma) 66 hpyenla ni gaw Lahta Sammung, Munggu ginra e mare kahtawng masha ni kaw nna lusha jarik mya sha nga ai gaw daini nhtoi bat mi jan sai lam, mare masha ni tsun ai.

N-gun 100 daram Dapnu 66 hpyen hpung gaw, Munggu hte Sak Hkung Hka lapran bum ga kahtawng ni de dap jahkrat nhtawm n-gu, jum majap kaw na hkawt mare masha ni gaw mya nga ai lam hpe ginra masha langai Jinghpaw Shiga Dap KNG de ndai zawn tsun ai.

“Hpyin Chyi Chyai ngu ai mare rai..Ta Dwi ngu ai mare dai hkan na rai nga ai shanhte nga manga yawng nta ting ting mashawp sha hkawm taw nga ai gaw… jum majap du hkra gat de n mari sha ai sha dai hkan e gayin…nga ai n-gu kaji kajaw ni yawng magawn na la sha taw nga ai.”

Dai ginra de September 22 ya shani Dapnu 66 ni du shang wa nna dai mare kaw hpyen hpung jahkrat let ya na zawn lusha jarik ni hpe kahtawng masha ni kaw mya lu mya sha taw nga ai re lam, mare masha ni tsun ai re.