Myen ni sa htim gasat ai majaw KIA post tat kau

KIA hpyen hpung

KIO ginjaw ginra, Dabak hte Maisak Pa lapran tinang shawnglam post de Sep. 8 bat Kru Ya shani Myen asuya dap ni n-gun kaba hte sa htim gasat ai majaw, tat kau sai lam, shawnglam shiga lawk tsun ai.

Asuya hpyen hpung ni n-gun grai law hte htim gasat wa ai majaw, mana maga hkying 4pm daram kaw nna gasat gala majan byin ai lam, sagawn chye lu ai.

Post kaji yen ya ai lam hpe Laiza KIA shiga lawk tsun shateng ai re.

KIO gaw Myen hpyendap hte lai wa sai 1994 hte 2013 ga sadi ni hpe mahta nna gap hkat jahkring sen htu na tang madun jahkrup yu ai lam nga tim, Myen hpyendap n hkapla shi ai re.