Myen-KIO dat kasa ni Miwa mung Hkwi Ming e hkrum

Chiang Mai Zuphpawng, KIO Sumlut Gun Maw hte NRPC Khin Zaw Oo, June 2, 2016

Daini Myen asuya simsa lam komishin hte KIO ginjaw dat kasa ni, Miwa mung Hkwi Ming e hkrum hkat ai lam sagawn chye lu ai.

Miwa asuya lapran salang tai ya ai hte maren, zuphpawng hpe hpyendu usa Hkin Zaw Oo woi awn ai asuya NRPC (National Reconciliation and Peace Center) dat kasa hpung hte KIO Ningbaw malai Du Kaba Sumlut Gun Maw woi awn ai ginjaw dat kasa hpung lapran, galaw ai re.

Nde a shawng lahkawng lang, wuhpung lahkawng hpyendap shada da Miwa mung Dali e hkrum ai shaloi jahkrup n lu zuphpawng bra ra wa sai re.

Hpyendap hte seng nna, lai wa sai 1994 hte 2013 ga sadi ni hpe mahta nna, Myen hpyendap hte gap hkat jahkring sen htu na lam KIO ginjaw tang madun ai re. Raitim ndai lam n bawng shi yang KIO gaw “ga n garan pru na, pati hkum demokresi hkrang hte du-ta-wun aye-tung-pa” ni hpe shawng hkapla ra na lam hpe hpyendap dat kasa ni tsun ai re.

Asuya a masum lang na Tsaban 21 Panglong Zuphpawng ngut ai hpang June 20 ya shani Htai mung Chiang Mai mare kaw Du Kaba Khin Zaw Oo woi awn ai NRPC hte KIO Ningbaw Kaba Du kaba Nban La woi awn ai hpung ni, simsa lam hte seng nna hkrum hkat sai re.

Hkwi Ming kaw Myen asuya NRPC hte KIO dat kasa ni ndai lang shawng n’nan lang hkrum hkat ai lam rai nga ai.