Hpakan lungseng nhkun gyi ai lam, nhtoi shi ya laman kahtap byin

July 24, 2018, Hpakan, Maw Mung, Me Lin Jawng maw Hung Pan nhkun hta sharut gyi kaput ai lam

Hpakan lungseng maw e ga gyi ai lam, Sang Hka maw kaw byin lai mat ai nhtoi 10 ya hta, dai ni July 24 jahpawt hkying 5 daram hta Met Lin Jawng kaw kalang bai byin wa sai re.

Shana marang kaba htu ai majaw, Maw Mung, Hung Pa company shara hta ga gyi wa re lam, si hkala masha 40 daram rai na hpe ginra masha ni hte myi chyaw mu ai ni tsun nga ma ai re.

Daini shani ga-ang du hkra dai nhkun kata kaput mat ai ni hpe sa garum hkye la ai lam n nga shi ai hpe Jinghpaw Shiga Dap KNG san sagawn chye lu ai re.

July 14 ya shani Sang Hka maw hta byin ai ga gyi kaput ai lam gaw, dai ning ya ten du hkra na kaba dik mabyin rai nna, si ai masha marai 20 hte hkala ai marai 64 jan re.

Kaja wa nhkun kata lungseng htu nga ai masha 100 jan kaput hkrum ai raitim, marang hte lang ra ai jak arung arai ni n law ai majaw, hkye shaw ai bungli matut n galaw mat ai re nga ahkaw ahkang lu ni tsun ai re.