Hpakan lam Hupa maga Myen hte MHH gasat poi byin

KIA hpyen hprim, Laiza muklum

Daini July 18, jahpawt hkying 8 daram kaw nna Hpakan lam KIA Dung 6 ginra Hupa maga Myen asuya dap hte Mungshawa Hpyen Hpung (MHH) Dung-1 lapran gasat poi laja lana byin ai lam, ginra masha ni Jinghpaw Shiga Dap KNG de tsun ai.

KIA Dung (6) kata MHH Dung-1 ni nga ai Lai Nawng Hku ginra Hupa hta dap mying n chye ai asuya dap hte gap hkat ai lam re.

Ya na zawn Hupa hta majan byin nga ten, daihpawt hkying 10 jan ten Myen hpyendap Myitkyina Nampong Nbungli Daru na jet 2 hte helicopter 1 gaw Hpakan hte Danai maga man yawng pyen mat wa ai re.

Myen asuya a Nambat 3-lang na Munghpawm Simsa Lam Tsaban (21) Panglong Zuphpawng hpe July 11-16 Naypyidaw e galaw ai aten hta mung wuhpung lahkawng dap lapran Hpakan ginwang kata gasat gala majan ni byin ai re.