Monggo gat kaba wan hkru ai kaw pyitusit ni hpe ntsen

June 6, shana wan hkru ai hpang Monggo gat kaba hpe mu lu yang

Lahta Sammung, Monggo gat kaba wan hkru ai kaw ginra pyitusit n-gawn hpyen ni hpe ntsen nga ma ai re.

Mana, June praw 6, shana hkying 11 daram nsin htat ten Monggo mare gat kaba wan hku ai majaw gat seng ni yawng ngu na hkru lawm mat sai re.

Miwa ga jarit Monggo mare kata ginra pyitusit hpung shada da hte madu wuhpung langai kata hta mung, ‘sut masa ginjang shingjawng gashun sha hkat ai masa’ nga ai majaw ndai gat kaba wan hkru ai mabyin hta shanhte hpe mare masha ni ntsen ai re lam, sagawn chye lu ai.

Maning e mung, Monggo gat dingsa hpe wan nat na matu pyitusit hpung langai mayun maw mawn wa ai hpe mare masha ni myit n hkrum pat kau yu sai lam, mare masha langai tsun ai.

Monggo ginra e Myen hpyendap npu hpaw tawn ai pyitusit hpung (5) lahta nga ai kaw tara shang pyitusit mying gun ai gaw Kutkai Pyitusit hte Monggo Pyitusit, yan lahkawng sha re.

Ndai bat laman e Myen-Miwa mungdan lahkawng lamu ga jarit shimlam lam salang ni, Monggo-Manghai jarit e n hkrum shi yang, ya Monggo gat kaba wan hkru ai mabyin pru wa ai re.