KIA Dapba 2 hpe tara shang kahtap hpaw dat sai lam ndau

Dukaba Nban La, KIO Ningbaw Kaba

Wunpawng Mungdan Shanglawt Hpyendap, KIA, Dai Lawn Rung npu Dapba 2 hpe tara shang kahtap hpaw dat sai lam ndau dat sai re.

February 7 Wunpawng Mungdan Shanglawt Kongsi a ndau hte maren, Uru Ginwang ginjaw ginra hta KIA Dapba (9) hte lahta Sammung Dingda Ginwang Ginjaw kata KIA Dapba (10), hpe January 26 ya shani hpaw masat ai lam tsun ai.

Dapba (9) hta mahkyawp lawm ai Dapdung (6) hte (26) yan rai nna, Dapba (10) hta gaw Dapdung (2) hte (17) yan re lam, ndau hta mu lu ai.

Rung hkridun lam hte hkringdat mying gaw kaga Dapba ni maren rai na re lam ndau hta tsun ai. Raitim, Dingda Ginwang Ginjaw kata Munggu ginra hta Masat (6) Dapba hpe 2016 ning February 26 ya shani hpaw jat ai hta Masat (4) Dapba a matsun npu naw re lam, chye lu ai.

Ya bai hpaw jat ai dapba hte rai yang, KIA Dapba yawng 10 du sai re. Dai hta, sanit (Dapba 1, 2, 3, 5, 7, 8, 9) gaw Jinghpaw mungdaw the ngam ai masum (Dapba 4, 6, 10) gaw Lahta Sam mung hta re.

Myen asuya hte aten galu mungmasa jahkrup bawngban ai lam ni mahtai kaja n pru hkring mat nna, gasat gala majan ni grau grau laja nga ten ya na zawn KIA Dapba 2 hpe Jinghpaw mungdaw hte Lahta Sam mung hta kahtap hpaw dat ai re.