Pat maw KIA Dung 14 Maisa post hpe Myen ni zing

KIA Dung 14 Maisa post hte deng 3 gang ai, Kawng Ra mare de Myen dap ni gap ai laknak pala, June 5

Danai pat maw KIA Dung 14 a Maisa post hpe Myen hpyen ni n-gun kaba hte htu gasat ai majaw June praw 3, Bat Kru Ya shana maga, yen kau sai re.


Myen ni gaw manap hkying 2am daram kaw na laknak kaba majoi gap sharu bun ai majaw shana de dai KIA shawnglam post hpe yen ya ai re lam, ginra masha ni hpe lakap let chye lu ai.

Ya na zawn, Nambyu Hka mayan KIA Dung 14 hpe htu gasat ai kaw, Myen hpyendap maga Lisu pyitusit, Sam Hkyeng pyitusit ni mung shanglawm ai lam sagawn chye lu ai.

Gasat gala lam bai byin wa ai raitim, ya ten du hkra gaw pat maw, ja maw na masha ni adan aleng hprawng yen ai n nga shi ai re.