Simsa lam ningmu jahpaw hpawng Manmaw e galaw

No. 1 lang Kachin Democratic Party, woi awn nna galaw ai Simsa Lam Ningmu Jahpaw sharin hpawng, Hotel Paradise, Manmaw, May 30, 2017

Shawng n’nan lang Kachin Democratic Party, KDP, woi awn nna Simsa Lam Ningmu Jahpaw sharin hpawng hpe Manmaw mare kaw lahkawng ya galaw sai re.


‘Peace Education Training’ ngu ai gabaw hte May 29-30 Hotel Paradise e galaw ai hta mungshawa-hpyendap ganawn mazum lam, Jinghpaw mungmasa labau hte Myen mungmasa labau ni hpe KDP pati ningbaw Duwa Gumgrawng Awng Hkam hku nna tsun dan bawngban ai lam galaw sai re.

NCA, mungdan ting gap hkat jahkring ga sadi hte mungdan gadaga kaw galaw ai simsa lam mahkrum madup labau ni hpe ISDP (Institute for Security and Development Policy) hte MMEC (Myanmar Minerva Education Center), masha ni lit la bawngban wa sai re.

Shanglawm ai ni kaw nna pru wa ga san ni ntsa mung jawm bawngban ai lam ni galaw wa sai re.

Ndai lamang hpe KDP woi awn ai hte, Sweden mungdan Stockholm daju ISDP hte Yangon daju MMEC yan, ja gumhpraw hte lakjet hku garum madi shadaw ai re.
Kachin_participants_at_peace_education_traning_in_Bhamo_by_KDP.jpgLai wa sai 2011 ni shanglawt majan kalang bai byin wa ai kaw nna Jinghpaw mungdaw kata simsa lam hten mat ai re. Raitim simsa lam hpaji jaw wunkat ni hpe Jinghpaw Mungdaw kata nga ai mare ninghtawn (myu-ne)18 chyam hkra matut galaw sa na hkyen nga ai lam, KDP ningbaw Duwa Gumgrawng Awng Hkam tsun ai re.