Dingda Korea gumsan dingsa Park a manghkang, jep hpang

Hkanghkyi hkyang hte Slgj. Park Geun-hye, gumsan magam dingsa, tara rung de sa wa yang, May 23

Gumsan magam dingsa Slgj. Park Geun-hye amanghkang hpe daini Dingda Korea mare daju Seoul tara rung e jep san hpang sai re.

Asuya hku nna Slgj. Park ntsa shagun tawn ai mara gaw, mayun kumhpa sha ai lam hte asuya shim da ai shiga shabrawng ai lam re. Lama dai mara tawt lai ai teng ai rai yang, shi gaw prat htawng hkrat na Dingda Korea a nambat langai num gumsan magam rai na re.

Bat lahkawng ya shani jep ai shaloi, lahta na mara ni n tawt lai ai lam shi dingdang tsun ai re.

Slgj. Park hpe mara shagun nna shi gun hpai nga ai gumsan magam lit na maja jahkring nhtawm March 31 hta htawng bang ai re.

Ya na zawn mara tawt lai ai mungdan a daru magam tsaw dik, gumsan magam ni hpe tara rung e jeyang ahkyak la ai hta Sinpraw Dan e Philippines hte Dingda Korea hta naw lu galaw ai hpe mu lu ai re.