Htai hpyen tsirung e bawm kapaw, 20 jan hkala

May 22, Htai hpyen tsirung bawk kapaw, Bangkok mare. Sumla AP

Htai mung mare daju Bangkok hpyen tsirung e bawm langai kapaw ai kaw masha 20 jan hkala hkrum sai.


Ndai Phramongkutklao tsirung gaw hpyen magam gun ni, magam gun hkringsa ni hte shanhte a dinghku masha ni tsi tsi hkam la nga ai tsirung re.

Htai hpyendap gaw 2014 ning mungdan a daru magam zing ai, daini, May 22, 3 ning ladu hkrum ai shani ndai zawn tsirung kata shawa dung shara kaw n-gun kaji ai bawm kapaw ai lam rai nga ai.

Kadai kapaw ai re lam hpe ya ten du hkra n chye shi ai re.

Daru magam zing ningbaw, ya hkringmang daju Du Kaba Prayuth Chan-ocha gaw tsirung bawm kapaw ai lam hpe ya jang sawk sagawn na matu matsun dat sai re.

Lai wa sai 2006 ning hta hpyendap gaw mungshawa ra lata ai hkringmang daju Thaksin Shinawatra hpe daru magam zing ai hpang mungdan kata asuya daru magam gashun hkat ai manghkang ni dingyang byin wa ai re.

Htai hpyendap asuya gaw shi myit ra ka ai mungdan a gaw da ai tara hte maren, du na shaning htum wa de ra lata poi galaw ya na lajang tawn ai re.