KIA Dapba 6 ginra hta majan matut byin

KIA hpyen hpung, Laiza

Lahta Sam mung KIA Dapba 6 ginra, Myen asuya dap hte KIA Dung 36 lapran mani gap hkat ai shara makau kaw dai ni matut byin ai re.

KIA Dung 36 ni nga ai Mungbaw, Howa Bum mare dingsa maga de dap mying n chye ai Myen hpyen hpung ni bai htu lung wa ai majaw jahpawt 8am jan kaw nna gap hkat wa ai hta, hkying 10am daram du hkra re lam, KIA Dapba 6 shiga lawk tsun ai.

Myen hpyen ni htingnut mat ai majaw majan hkring mat ai lam tsun ai.

Asuya dap maga kade si hkala hkrum ai lam n chye lu tim KIA maga marai langai hkala hkrum ai hpe mying n tsun mayu ai Dapba 6 salang langai KNG Jinghpaw Shiga Dap de tsun ai.

KIA Dapba 6 Munggu ginra kata ‘hpyen masa maram masam’ hku nna Myen hpyen ni gaw tinang KIA dap ni nga ai shara de htu ganaw hkawm wa ai majaw, ya na zawn majan byin wa ai re lam lahta na Dapba 6 salang wa tsun ai re.