KIA Dap 6 hpyenla ni, Hpakan lam ntsa Nam Ya hte Kap Maw lapran

Hpakan lungseng maw lam Mugawng hte Kamai lapran Wunpawng Mungdan Shanglawt Hpyendap KIA Dap 6 hpyen hpung ni, mawdaw lam de hkap sin nna ahkun hkanse bai hta nga sai re.


Grauri makau Ga Matep ngu ai shara hta KIA hpyenla ni mawdaw lam de pru nna hkap sin let Uru Sengmaw lai sa lai wa ni ntsa ahkun hkanse hta ai hpe August 19, dai hpawt mu ai lai hprang masha ni Jinghpaw Shiga Dap KNG de tsun shana wa ai.

Shawng e ndai lam ntsa ya na zawn KIA ni lam hkap nna ahkun hta ai lam n galaw ai, na sai re.

Lahta Sam mung (Kachin Sub-state) de mung Lashio-Muse Miwa ga jarit hpaga lam kaba ntsa KIA Dapba 4 hte 6 ni ahkun hkanse hta ai lam ni hpe lai wa sai shata lahkawng kaw nna galaw hpang wa sai re.

Myen hpyendap gaw KIA hpe Hpakan lungseng maw kaw nna gawt shapraw kau na majan masing galaw nga ten, ya na zawn KIA ni mawdaw lam de pru nna ahkun hkanse hta wa ai lam re.