Kamai mare kata asuya dap bawm hte gasat hkrum

Kamai mare kata asuya dap bawm hte gasat hkrum

May 15, Laban jahpawt hkying 7 daram hta Hpakan lam Kamai mare hta asuya hpyen hpung hpe Wunpawng Mungdan Shanglawt Hpyendap KIA gaw hkam bawm hte hkap gasat dat sai re.

Kamai mare, Htoi San Yang Myen gate makau hta mawdaw lam dingyang hkawm lung wa ai Myen hpyen hpung gaw KIA bawm hkrup nna sinat kaji nsen 5, 6 lang ngoi ngut ai hte bai zim mat ai re lam, Kamai mare masha langai Jinghpaw Shiga Dap KNG de tsun ai.

Dai bawm kapaw ai hta asuya maga marai 1 si nna nkau hkala hkrum ai hpe dai Kamai mare masha wa matut tsun ai.

Asuya dap hte Sam Hkyeng pyitusit pawng hpawm dap ni gaw May 10 ya shani Hpakan KIA Dapdung 6 daju hpe gasat zing kau ai hpang, wuhpung lahkawng gasat gala lam ni Kamai-Hpakan lam hta shani shagu daram byin nga ai re.